Ayrıldığımız küçə

Mən ayrıldığımız küçədə bugün

Bir qədər dayanıb ayaq saxladım.

Canlandı gözümdə olub keçənlər

Bir qədər duyğumu oyaq saxladım.

Necə ayrıldıqsa həmin küçədə

Elə o zamandan heç gəlməmişəm.

Gör neçə il ötüb həmin gecədən

Sənlə olduğumtək heç gülməmişəm.

Duyardın acımı bir baxışımdan,

Ömrümə gəlməyib sənin kimisi.

Düzdür, evlnmişəm, nə yalan deyim

Vardır bir qonağım, gəlib birisi.

İndiki ağlım olsaydı məndə

O vaxtı qoymazdım, gedəsən gülüm.

Bu qədər əzablar çəkməzdik inan

Mənə nə düşüb ki  sağ ikən ölüm.

Ruhun silkələnir yəqin  sənində

Nə vaxtsa küçəyə yolun düşən də

İşə bax mən indi tənha gəlmişəm

Daha çox gələrdik məndən küsəndə.

Bilmirəm, ya xoşbəxtəm, ya da deyiləm

Biz qova bilmədik yad baxışları

Səndə mənim kimi darıxırsan əgər

Arada gələrsən küçəyə sarı.

Rizvan Fikrətoğlu